PROPOSTAS DA SEMANA. 5 ANOS B

 Estas son as propostas que fixemos esta semana nos diferentes recunchos de aprendizaxe, polos cales vamos rotando diariamente ata completar todas as propostas. Cada vez somos máis autónomos nestas actividades e tarefas que nos permiten a adquisición das diferentes competencias.

Desenvolvemos a linguaxe de programación a través do robot mouse, ao cal debemos programar para ir aos diferentes elementos do outono, reforzando así vocabulario e orientación espacial.

  

 

Partiendo da vida e obra de Vicent Van Gogh, coñecemos que moitas das súas obras eran sobre paisaxes, e entre elas, paisaxes de outono. Visualizamos moi ben algunhas destas obras e recreamos unha paisaxe de outono propia empregando diferentes elementos, para facer unha exposición.

Actividade lóxico-matemática para traballar conteo, asociación de cantidade, iniciación á suma... Xogamos a lanzar un ou dous dados (escollen en función das súas posibilidades e da opción que creen que é a mellor para non deixar ningún obxecto fora) e rodeamos a mesma cantidade de elementos nun só grupo, ata completalos todos.

A partir da palabra creada en gran grupo nesta semana na caixa de luz, primeiro a compoñemos en equipo con elementos característicos do outono e posteriormente nas pizarras individuais, escollemos diferentes letras desta palabra e escribimos/debuxamos algunha palabra que comeza por esa inicial, avanando así no proceso lecto escritor.

Momentos semanais na biblioteca xogando ao bingo das letras, gozando deste espazo de alfabetización múltiple.